Objektivi i përgjithshëm i projektit ka qenë përmirësimi dhe rinovimi i ndërtesës kryesore ekzistuese të Spitali Rajonal Lezhë, ku struktura ekzistuese  iu nënshtrua rikonstruksionit të pjesshëm me qëllim përmirësimin e shërbimeve të ofruara.  Në godinën kryesore të Spitalit u krye një rikonstruksion i pjesshëm për të përmirësuar kushtet aktuale, kryesisht përsa i përket rifiniturës së brendshme. Poliklinika pati ndërhyrje ne sistemin hidrosanitar pasi ishte e amortizuar dhe kishte mungesën e aksesit në ndërtesë për personat me aftësi të kufizuar.